Drejtori i Përgjithshëm i Administratës Tatimore të Kosovës

Dërgesa

Qyteti

Përgjigjet

Vlerësimi

★ 0.0 · 0 vlerësimet

atatimore Drejtori i Përgjithshëm i Administratës Tatimore të Kosovës, Mentor Hyseni, ishte pjesë e panelit të forumit ndërkombëtar me temën “Nga tatimet te thesari: Ndërtimi i financave publike të ndërlidhura në mënyrë digjitale”, i mbajtur në kuadër të Forumit të Ekonomisë së Re të Fondit Monetar Ndërkombëtar, në Bangkok, Tajlandë. Gjatë këtij forumi, diskutimet u përqendruan në transformimin digjital të financave publike, ndërlidhjen e sistemeve institucionale dhe forcimin e bashkëpunimit ndërmjet administratave tatimore dhe institucioneve përgjegjëse për menaxhimin e shpenzimeve publike. Në këtë kontekst, pjesëmarrja e drejtorit Hyseni ishte një mundësi për shkëmbimin e përvojave dhe praktikave të mira me përfaqësues të administratave tatimore dhe institucioneve ndërkombëtare, si dhe për diskutimin e rëndësisë së modernizimit të proceseve dhe përdorimit të teknologjisë në administrimin e të hyrave publike. Duke theksuar rëndësinë e këtij procesi, drejtori ATK-së foli lidhur me rëndësinë e transformimit digjital të financave publike, ndërlidhjen e sistemeve tatimore me institucionet e tjera publike dhe përmirësimin e shkëmbimit të të dhënave ndërinstitucionale. Diskutimi trajtoi gjithashtu rolin e teknologjisë në rritjen e efikasitetit të administratave tatimore, forcimin e transparencës dhe avancimin e bashkëpunimit ndërmjet institucioneve për menaxhimin sa më të mirë të të hyrave dhe shpenzimeve publike.
20 ditë