Përfaqësuesit e Shoqatës së Ndërtimit të Kosovës zhvilluan

Dërgesa

Qyteti

Përgjigjet

Vlerësimi

★ 0.0 · 0 vlerësimet

shnkoek Përfaqësuesit e Shoqatës së Ndërtimit të Kosovës zhvilluan sot një takim zyrtar me Autoritetin e Konkurrencës të Republikës së Kosovës (AKRK). Në kuadër të këtij takimi, Valon Vataj, Kryetar i Shoqatës së Ndërtimit të Kosovës (SHNK), së bashku me përfaqësues të SHNK-së, pritën në takim Besar Gashin, Drejtor i Departamentit të Mbikëqyrjes së Tregut, së bashku me bashkëpunëtorë nga Autoriteti i Konkurrencës. Në fokus të takimit ishte bashkëpunimi institucional për një treg ndërtimi më transparent dhe konkurrues, si dhe mbrojtja e interesit të qytetarëve dhe operatorëve ekonomikë. U diskutua veçanërisht për luhatjen e çmimeve të materialeve bazë të ndërtimit, si dhe për krijimin e një mekanizmi të përbashkët për monitorimin e indikatorëve dhe ecurisë së çmimeve në treg. Palët u dakorduan për takime të rregullta dhe shkëmbim të vazhdueshëm të të dhënave, me qëllim rritjen e transparencës, parandalimin e praktikave monopolizuese dhe zhvillimin e qëndrueshëm të sektorit të ndërtimit. Ftojmë të gjithë akterët e tregut që të kontribuojnë me transparencë të plotë në çmime, furnizim dhe praktikat tregtare, në interes të një tregu të drejtë dhe konkurrues.
33 ditë