Në ambientet e Shoqatës së Ndërtimit në Kosovë zhvilluam

Dërgesa

Qyteti

Përgjigjet

Vlerësimi

★ 0.0 · 0 vlerësimet

shnkoek Në ambientet e Shoqatës së Ndërtimit në Kosovë zhvilluam takim me përfaqësuesit e Odës së Inxhinierëve të Republikës së Kosovës, Kryetarin Arsim Rapuca dhe anëtarët e Bordit Drejtues, Afrim Demiri dhe Nebi Pllana. Takimi u fokusua në çështje konkrete që kërkojnë koordinim më të madh ndërmjet akterëve të sektorit të ndërtimit. Vëmendje e veçantë iu kushtua rritjes së vetëdijes së kompanive të ndërtimit për rëndësinë e mbikëqyrjes profesionale të objekteve gjatë gjithë fazës së ndërtimit, me zbatim të plotë të ligjeve dhe standardeve në fuqi në Republikën e Kosovës. Një tjetër temë me rëndësi ishte legalizimi i objekteve, një problem i trashëguar prej vitesh, i cili vazhdon të kërkojë trajtim serioz dhe zgjidhje të qëndrueshme institucionale. Shoqata e Ndërtimit në Kosovë dhe Oda e Inxhinierëve shprehën gatishmërinë për të kontribuar bashkërisht në harmonizimin e qëndrimeve, veprimeve dhe iniciativave në fushën e ndërtimit. Qëllimi ynë i përbashkët është një sektor më i rregulluar, më profesional, më i sigurt dhe me standarde më të larta për të gjithë.
53 ditë