Një qytetar nga Lipjani ka denoncuar pranë redaksisë së JOQ

Dërgesa

Qyteti

Përgjigjet

Vlerësimi

★ 0.0 · 0 vlerësimet

joq.kosovo Një qytetar nga Lipjani ka denoncuar pranë redaksisë së JOQ Kosova gjendjen shqetësuese të krijuar nga grumbullimi i mbeturinave në rrugën “Bashkim Krasniqi”. Në fotografitë e dërguara për JOQ Kosova shihen grumbuj të mëdhenj mbeturinash, kartonësh dhe materialesh të ndryshme të hedhura pranë rrugës. Sipas qytetarit, kjo situatë vazhdon prej rreth dy muajsh, ndërsa deri më tani askush nuk ka ndërhyrë për pastrimin e zonës. Ai pretendon se mbeturinat janë hedhur gjatë punimeve në një ndërtesë aty pranë, ndërsa as kompania përgjegjëse për punimet dhe as institucionet komunale nuk kanë marrë masa për largimin e tyre. “Ka një muaj e gjysmë apo dy që askush nuk vjen me i heq këto mbeturina. As privati që i ka punësuar punëtorët, as këta të shtetit”, ka deklaruar qytetari për JOQ Kosova. Përmes këtij denoncimi, qytetari kërkon reagim të menjëhershëm nga Komuna e Lipjanit dhe institucionet përgjegjëse për pastrimin e hapësirës. JOQ Kosova i bën thirrje institucioneve përgjegjëse të verifikojnë situatën dhe të ndërmarrin masat e nevojshme. A duhet të presin banorët me muaj të tërë që dikush të kujdeset për pastërtinë e qytetit?
2 ditë