Një 19-vjeçar nga Ferizaj ka rrezikuar sigurinë e qytetarëve

Dërgesa

Qyteti

Përgjigjet

Vlerësimi

★ 0.0 · 0 vlerësimet

joq.kosovo Një 19-vjeçar nga Ferizaj ka rrezikuar sigurinë e qytetarëve duke drejtuar një veturë BMW me shpejtësi marramendëse prej 170 km/h në një zonë të banuar, ku shpejtësia maksimale e lejuar ishte vetëm 40 km/h. Ngjarja ka ndodhur në rrugën “Vëllezërit Gërvalla” në Ferizaj, ndërsa i riu kishte publikuar vetë në rrjetet sociale videon ku shihej duke vozitur me shpejtësi 130 km/h mbi kufirin e lejuar. Pas publikimit të pamjeve, Policia e Ferizajt ka identifikuar shoferin me inicialet R.T., 19 vjeç. Gjatë verifikimeve është zbuluar se ai nuk posedonte fare patentë shoferi. I riu ka pranuar para policisë se ishte personi që drejtonte BMW-në në momentin e incizimit. Ndaj tij janë ndërmarrë veprimet ligjore dhe është iniciuar procedurë kundërvajtëse në gjykatë. Policia u ka bërë thirrje drejtuesve të automjeteve të respektojnë kufizimet e shpejtësisë, duke theksuar se veprime të tilla të papërgjegjshme mund të kenë pasoja fatale për jetën e qytetarëve.
21 orë