Trajtimi i çështjeve pronësore dhe trashëgimore

Dërgesa

Qyteti

Përgjigjet

Vlerësimi

★ 0.0 · 0 vlerësimet

atrc.ks 📍 Trajtimi i çështjeve pronësore dhe trashëgimore Në kuadër të projektit PIAKOS, të zbatuar nga ATRC, me përkrahjen e Bankës Botërore, sot në Prizren po realizohet trajnimi për gjyqtarët mbi temën “Trajtimi i çështjeve pronësore dhe trashëgimore”, në bashkëpunim me Akademia e Drejtësisë. Në trajnim po marrin pjesë gjyqtarë nga rajone të ndryshme të Kosovës, përfaqësues të Gjykatave Themelore, Gjykatës së Apelit dhe Gjykatës Supreme. Trajnimi është përqendruar në sfidat e praktikës gjyqësore, të drejtat e grave në trashëgimi, pasurinë e përbashkët bashkëshortore, regjistrimin kadastral dhe qasjen në informacionin institucional. Sesioni i sotëm po udhëhiqet nga Albert Zogaj dhe Qerim Ademaj, gjyqtarë të Gjykatës Supreme, ndërsa në panelin e diskutimit mori pjesë edhe Odeta Naks, Menaxhere e Projektit PIAKOS, duke ndarë përvoja nga zbatimi i projektit dhe sfidat praktike me të cilat përballen qytetarët në realizimin e të drejtave pronësore. Ky bashkëpunim ndërinstitucional synon forcimin e kapaciteteve profesionale, shkëmbimin e përvojave dhe avancimin e praktikave gjyqësore, duke kontribuar në mbrojtjen më efektive dhe të barabartë të të drejtave pronësore për të gjithë qytetarët. Bëje tënden. Regjistroje pronën! #BëjeTënden #RegjistrojePronën #PIAKOS
3 ditë