PISA 2025 – Kosova ka arritur në një pikë ku t’ia marrim

Dërgesa

Qyteti

Përgjigjet

Vlerësimi

★ 0.0 · 0 vlerësimet

albulene_rrahmani PISA 2025 – Kosova ka arritur në një pikë ku t’ia marrim lakmi edhe Palestinës. Mendja nuk ma kishte marrë kurrë që do ta shkruaja një ditë këtë fjali. Rezultatet janë këto: Matematikë – 350 pikë Lexim – 340 pikë Shkencë – 357 pikë Këto nuk janë thjesht numra. Janë pikët që tregojnë nivelin e aftësive të nxënësve në testin ndërkombëtar PISA. Për krahasim, 500 pikë është mesatarja e shkallës së OECD-së. Dhe pjesa më shqetësuese: rreth 74% e nxënësve në Kosovë nuk arrijnë nivelin bazë në të trija fushat. Tash fillon loja që fajin e ka pandemia, prindërit, nxënësit, mësuesit, telefonat, interneti… veç SISTEMI si gjithmonë, del pa faj. E di që rënia në PISA nuk ka vetëm një arsye. Janë shumë faktorë bashkë: politika arsimore pa vazhdimësi, reforma pa rezultate, kushte të pabarabarta, mungesë e mbështetjes për mësuesit dhe nxënësit si dhe mënyra të mësimdhënies që shpesh nuk ecin me kohën. Kemi mësues të mirë. Kemi profesorë të përgatitur. Kemi nxënës me potencial. Por çfarë na mungon? Një sistem që di ta nxjerrë në pah gjithë këtë potencial. Për PISA-n do të flasim disa ditë. Do të bëjmë zhurmë, do të kërkojmë fajtorin… pastaj do ta harrojmë. Deri në PISA-n tjetër. Sepse fëmijët nuk na dështuan. Ata vetëm na treguan se çfarë kemi ndërtuar për ta. Mos t’i fajësojmë fëmijët për një sistem që ua kemi ndërtuar ne. PISA nuk është turpi i fëmijëve. Është pasqyra jonë. https://www.oecd.org/content/dam/oecd/en/publications/reports/2026/09/pisa-2025-results-volume-i_5265bfb1/73451bc5-en.pdf
55 ditë