Më 12–16 tetor 2026

Dërgesa

Qyteti

Përgjigjet

Vlerësimi

★ 0.0 · 0 vlerësimet

ust_faqja_zyrtare 💢Më 12–16 tetor 2026, një delegacion i Universitetit të Sporteve të Tiranës, i kryesuar nga Dekania e Fakultetit të Shkencave të Lëvizjes, Prof.Asc.Dr. Enkeleida Lleshi, zhvilloi një vizitë pranë 🇮🇹Universitetit të Urbinos “Carlo Bo”, në kuadër të Programit të Përbashkët të Studimit, Master i Shkencave në “Shkencat Sportive”, i cili nis për herë të parë këtë vit akademik. 📌Ky program u ofron studentëve mundësinë të përfitojnë diplomë të dyfishtë Master i Shkencave në “Shkencat Sportive”, të lëshuar nga Universiteti i Sporteve të Tiranës dhe Universiteti i Urbinos “Carlo Bo”, duke hapur perspektiva të reja për formimin akademik dhe zhvillimin profesional të tyre. 🇪🇺Gjatë kësaj jave, Prof. Asc. Dr. Rigerta Selenica dhe MSc. Francesco Vitobello realizuan gjithashtu mobilitete Erasmus+ për mësimdhënie, gjatë të cilave mbajtën leksionet përkatëse pranë universitetit pritës, duke kontribuar në shkëmbimin e njohurive dhe përvojave mes dy universiteteve. 🎙️Në kuadër të vizitës, në Urbino u zhvillua edhe konferenca për shtyp për prezantimin e programit, në të cilën Rektori i UST-së, Prof. Dr. Agron Kasa, mori pjesë përmes një lidhjeje online. Prezantimi shënoi një moment të rëndësishëm në konkretizimin e këtij partneriteti dhe në promovimin e mundësive që programi ofron për studentët. 🌍 Kjo vizitë forcoi më tej urat e bashkëpunimit mes dy institucioneve, në mbështetje të ndërkombëtarizimit dhe zhvillimit të shkencave sportive.
16 ditë