25 Shtatori – Dita Botërore e Farmacistëve

Dërgesa

Qyteti

Përgjigjet

Vlerësimi

★ 0.0 · 0 vlerësimet

urdhri_i_farmacisteve 25 Shtatori – Dita Botërore e Farmacistëve💊💚 Fuqizimi i farmacistëve për një të ardhme më të shëndetshme! Në kuadër të Ditës Botërore të Farmacistëve, Urdhri i Farmacistëve të Shqipërisë zhvilloi sot një sërë aktivitetesh me në fokus fëmijët, kujdesin shëndetësor dhe përdorimin e sigurt të barnave. 📍 Pranë QSUT-së, studentë të farmacisë informuan qytetarët përmes fletëpalosjeve dhe këshillave praktike, me fokus të veçantë kujdesin ndaj shëndetit të fëmijëve dhe përdorimin e sigurt të barnave. 🤝Presidenti i Urdhrit të Farmacistëve Z. Defrim Goma dhe studentë të farmacisë zhvilluan një takim me Drejtorin e Agjencisë Kombëtare të Barnave dhe Pajisjeve Mjekësore Z. Erjon Spahiu dhe drejtuesit e sektorëve të, Inspektimit, Farmakovigjilencës, Shpërndarjes dhe Analizave. Gjatë takimit, studentët u njohën nga afër me veprimtarinë e institucionit, si dhe me proceset dhe përgjegjësitë që lidhen me sigurinë, cilësinë dhe kontrollin e barnave. Përmes këtyre aktiviteteve, Urdhri i Farmacistëve synon të përcjellë rëndësinë e informimit, edukimit shëndetësor dhe përdorimit të përgjegjshëm të barnave, duke vënë në pah rolin e farmacistit në komunitet dhe rëndësinë e përgatitjes së brezit të ardhshëm të profesionistëve. Një 25 Shtator i dedikuar fëmijëve, qytetarëve dhe brezit të ardhshëm të farmacistëve. Gëzuar Ditën Botërore të Farmacistëve! 💊
39 ditë